ગુજરાતમાં કોરોનાનો કહેર યથાવત: રાજ્યમાં આજે કોરોના નવા 1197 કેસ નોંધાયા: કુલ કેસનો આંકડો 90,139 થયો

કોરોના મહામારીમાં ગુજરાતની સ્થિતિ ખુબ જ ચિંતાજનક સ્તરે પહોંચી ગઇ છે. આજે રાજ્યમાં કોરાનાનાં કેસમાં અચાનક વધારો થયો છે. રોજેરોજ ઊંચે જતા કોરોનાનાના ચેપના ફેલાવાના ગ્રાફમાં આજે 1197 પોઝિટિવ રિપોર્ટ ઉમેરતા ગુજરાતમાં કોવિડ-19ના કુલ કેસોની સંખ્યા વધીને 90,139એ પહોંચી છે. જ્યારે રાજ્ય વધુ 17 દર્દીઓએ દમ તોડતા ગુજરાતમાં કૂલ મૃત્યુઆંક વધીને 2947એ પહોંચ્યો છે. જ્યારે 1047 લોકોએ છેલ્લા 24 કલાકમાં કોરોનાને મ્હાત આપી છે. ગુજરાત માટે સૌથી મોટા ખુશ ખબર એ છે કે રાજ્યમાં સાજા થવાનો દર 80.22 ટકા છે. ઉલ્લેખનીય છે કે રાજ્યમાં દરરોજ ટેસ્ટની સંખ્યા વધારવામાં આવી રહી છે. ત્યાં જ આજે રાજ્યમાં 77,949 ટેસ્ટ કરવામાં આવ્યા હતા.

અમદાવાદ, સુરત, વડોદરા અને રાજકોટ બાદ જામનગરમાં વધુ કેસ નોંધાયા

રાજ્યમાં કોરોનાના કેસની સંખ્યામાં ઉત્તરોત્તર વધારો થઇ રહ્યો છે. ત્યારે હવે અમદાવાદ, સુરત, વડોદરા અને રાજકોટ બાદ જામનગરમાં વધુ કેસ નોંધાયા છે. આજે જામનગરમાં 87 કેસ નોંધાયા છે. જો કે, એક વાત એવી પણ ઉડીને આંખે વળગે તેમ છે કે, જામનગરમાં આજે 108 જેટલા દર્દીઓએ આજે કોરોનાને મ્હાત આપી છે.

આરોગ્ય વિભાગની અખબારી યાદીમાં વિતેલા 24 કલાકમાં અમદાવાદ કોર્પોરેશન 4, રાજકોટ 2, રાજકોટ કોર્પોરેશન 2, સુરત 2, સુરત કોર્પોરેશન 2, વડોદરા કોર્પોરેશન 2, અમદાવાદ 1, દાહોદ 1 ગીર સોમનાથ 1 વ્યક્તિએ દમ તોડયો હતો. આમ આજે વિતેલા 24 કલાકમાં કુલ 17 લોકોના મોત નિપજ્યા છે. ગુજરાતમાં કૂલ મૃત્યુઆંક વધીને 2947એ પહોંચ્યો છે.

ગુજરાતમાં અત્યાર સુધીમાં કુલ 72,308 નાગરીકો સાજા થઈ ગયા છે. 2947ના અવસાન થયા છે. જ્યારે આજે છેલ્લી સ્થિતિ મુજબ 14,884 સારવાર હેઠળના દર્દીઓ પૈકી 86 વેન્ટિલેટર ઉપર રાખવામાં આવ્યા છે અને 14,798 સ્ટેબલ છે.

છેલ્લા 24 કલાકમાં નોંધાયેલા કેસની વિગત

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..