ગુજરાતમાં સતત કોરોના પોઝિટિવ કેસો 300ને પાર નોંધાઈ રહ્યા છે. અને છેલ્લા 24 કલાકમાં કોરોનાને કારણે 30 દર્દીઓએ પોતાનો જીવ ગુમાવ્યો છે. અને 176 લોકોને ડિસ્ચાર્જ કરવામાં આવ્યા છે. આમ રાજ્યમાં કોરોનાના પોઝિટિવનાં કુલ કેસનો આંકડો 12539 થયો છે. અને ડિસ્ચાર્જનો કુલ આંક 5219 થયો છે. જ્યારે કોરોનાને કારણે કુલ 749 મોત થયા છે. તો રાજ્યનો રિકવરી રેટ 41.62 થયો છે.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
છેલ્લા 24 કલાકમાં નોંધાયેલ 398 કેસોમાંથી અમદાવાદમાં સૌથી વધુ 271, સુરતમાં 37, વડોદરા અને મહીસાગરમાં 15-15, કચ્છમાં 5, અરવલ્લીમાં 4, ગાંધીનગર-બનાસકાંઠા-નવસારી-સુરેનદ્રનગરમાં 3-3, બનાસકાંઠા-આણંદ-ખેડા-વલસાડમાં 2-2, જામનગર-ભરૂચ-દાહોદ-જૂનાગઢ અને અન્ય રાજ્યમાં 1-1 કેસ પોઝિટિવ નોંધાયો હતો.
24 કલાકમાં રાજ્યમાં મૃત્યુ પામેલ દર્દીઓની વિગત
રાજ્યમાં છેલ્લા 24 કલાકમાં કોરોના વાયરસની સારવાર દરમિયાન અવસાન પામેલા લોકોની વિગત આપતા અગ્ર સચિવ જયંતિ રવિએ કહ્યું હતું કે, ગત 24 કલાકમાં 30 દર્દીઓના મોત થયાં છે, આમ અત્યાર સુધીમાં રાજ્યમાં કુલ 749 લોકોના કોરોના બીમારીને કારણે મોત થયાં છે.
હાલ ગુજરાતમાં 47 દર્દીઓ વેન્ટિલેટર પર
આરોગ્ય સચિવ જયંતિ રવિએ પત્રકાર પરિષદને સંબોધન કરતા વધુમાં જણાવ્યું હતું કે, હાલ રાજ્યમાં કોરોનાના 47 દર્દીઓ વેન્ટિલેટર પર છે. આ સાથે જ 6524 લોકો સ્ટેબલ છે. આજના ટેસ્ટ વિશેની જાણકારી આપતા આરોગ્ય વિભાગે વધુમાં જણાવ્યું હતું કે, રાજ્યમાં કુલ 160772 ટેસ્ટ કરવામાં આવ્યા હતા. જેમાં 12539 પોઝિટિવ આવ્યા છે તો 148233 રિપોર્ટ નેગેટિવ આવ્યા છે.
ગુજરાતમાં અત્યાર સુધી કોરોનાનાં કુલ પોઝિટિવ કેસોનાં આંક 12539 પર પહોંચ્યો છે. જેમાંથી 47 દર્દીઓ વેન્ટિલેટર પર છે. તો 6524 દર્દીઓની હાલત સ્થિર છે. અને ડિસ્ચાર્જનો કુલ આંક 5219 થયો છે. અને કુલ મોત 749 થયા છે. રાજ્યમાં છેલ્લા 24 કલાકમાં 30 દર્દીના મોતમાંથી 15 લોકોનાં મોત પ્રાથમિક રીતે કોરોનાને લીધે, તો 15 લોકોને અન્ય પ્રકારની ગંભીર બીમારીઓ હતી. જ્યારે આજે સૌથી વધુ મોત અમદાવાદમાં નોંધાયા છે. અમદાવાદમાં 26, સુરત-ગાંધીનગર-પાટણ અને સાબરકાંઠામાં 1-1 દર્દીઓનાં મોત નિપજ્યા છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..