અનલૉક-1 બાદ કોરોના વાયરસના કેસમાં મોટો ઉછાળો જોવા મળી રહ્યો છે. તો ગુજરાતના સૌથી વધુ કેસ અમદાવાદમાં નોંધાયા છે અને દર્દીઓની સંખ્યા 23 હજારને પાર પહોંચી છે, ત્યારે આ તમામ બાબત વચ્ચે સમગ્ર રાજ્યમાં છેલ્લા 24 કલાકમાં કોરોના વાયરસના કેટલા કેસ નોંધાયા તે અંગેની માહિતી રાજ્ય સરકારના આરોગ્ય વિભાગે આપી હતી.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
આરોગ્ય વિભાગે સત્તાવાર રીતે જાહેર કરેલ પ્રેસનોટ પ્રમાણે ગુજરાતમાં છેલ્લા 24 કલાકમાં કોરોનાના કુલ 517 નવા કેસ નોઁધાયા છે. આ સાથે જ રાજ્યમાં કોરોનાના કુલ દર્દીઓની સંખ્યા 23,079 થઇ છે.
અમદાવાદમાં કોરોનાના નવા 344 કેસ નોંધાયા
અમદાવાદમાં સૌથી વધુ 344 કેસ નોંધાયા છે તો સુરતમાં છેલ્લા 24 કલાકમાં 59 નવા કેસ કોરોના વાયરસના નોંધાયા છે. આ સાથે જ છેલ્લા 24 કલાકમાં 390 દર્દીઓ કોરોના વાયરસના ભરડામાંથી મુક્ત થતાં તેમની સારવાર બાદ દવાખાનામાંથી રજા આપવામાં આવી છે. આમ, અત્યાર સુધીમાં સમગ્ર રાજ્યમાં કુલ 15,891 દર્દીઓ કોરોનાને મ્હાત આપી ચૂક્યા છે.
24 કલાકમાં નોંધાયેલા કેસની વિગત
| 13/06/2020 | પોઝિટિવ કેસ |
| અમદાવાદ | 344 |
| સુરત | 59 |
| વડોદરા | 40 |
| ગાંધીનગર | 9 |
| ભાવનગર | 7 |
| મહેસાણા | 6 |
| અન્ય રાજ્ય | 6 |
| અરવલ્લી | 5 |
| પંચમહાલ | 5 |
| નર્મદા | 5 |
| ભરૂચ | 4 |
| કચ્છ | 4 |
| રાજકોટ | 3 |
| પાટણ | 3 |
| જામનગર | 3 |
| અમરેલી | 3 |
| બનાસકાંઠા | 2 |
| ખેડા | 2 |
| આણંદ | 1 |
| બોટાદ | 1 |
| મહીસાગર | 1 |
| ગીર સોમનાથ | 1 |
| છોટા ઉદેપુર | 1 |
| જૂનાગઢ | 1 |
| સુરેન્દ્રનગર | 1 |
24 કલાકમાં રાજ્યમાં મૃત્યુ પામેલ દર્દીઓની વિગત
રાજ્યમાં છેલ્લા 24 કલાકમાં કોરોના વાયરસની સારવાર દરમિયાન અવસાન પામેલા લોકોની વિગત પણ આ પ્રેસનોટમાં આપવામાં આવી હતી. જે પ્રમાણે ગત 24 કલાકમાં 33 દર્દીઓના મોત થયાં છે, આમ અત્યાર સુધીમાં રાજ્યમાં કુલ 1449 લોકોના કોરોના બીમારીને કારણે મોત થયાં છે. આ સાથે જ હાલ 61 લોકો વેન્ટિલેટર પર છે તો 5739 લોકો સ્ટેબલ છે.
સતત ચોથી વખત નોંધાયા 500થી વધારે કેસ
આપને જણાવી દઇએ કે, રાજ્યમાં અનલૉક-1 જાહેર થયાંને હજી 13 દિવસ થયાં છે ત્યા અત્યાર સુધીમાં સતત ચોથી વખત કોરોનાના નવા કેસ 500થી વધારે નોંધાયા છે. સૌ પ્રથમ વખત 5 તારીખે 510 કેસ નોંધાયા હતા. તો 10 જૂનના રોજ ફરી 510 કેસ નોંધાયા હતા. ત્યારબાદ બીજા દિવસે 11 તારીખે 513 અને આજે એટલે કે 13 જૂનના રોજ 517 કેસ નવા નોંધાયા છે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..