અમદાવાદ રહેતા અને ગાંધીનગરમાં નોકરી કરતા એક સોફ્ટવેર એન્જીનિયરે દીવથી નશો કરેલી હાલતમાં કાર ચલાવી ઊનામાં અકસ્માત સર્જ્યો હતો. આ બનાવ અંગેની પોલીસમાંથી પ્રાપ્ત વીગતો મુજબ, અમદાવાદમાં રહેતા અને ગાંધીનગરમાં સોફ્ટવેર એન્જીનિયર તરીકે નોકરી કરતા પુલકિત કિરીટભાઇ કાપડિયા પત્ની અને બે સંતાનો સાથે થર્ટી ફર્સ્ટ ઉજવવા પોતાની જ કારમાં જાતેજ ડ્રાઇવ કરીને ગઇકાલે દીવ આવ્યા હતા. અને આખો દિવસ ફર્યા હતા. પણ હોટલનું ભાડું વધુ હોઇ તેઓ ઊનાની હોટલમાં રોકાઇ સવારે ફરી દીવ ગયા હતા. અને ત્યાં આખો દિવસ ફર્યા હતા.
પુલકિતે ત્યાં ચિક્કાર દારૂ પીધો હતો. એ વખતે પત્નીએ તેને જાતે કાર ડ્રાઇવ કરવાની હોઇ અને બે બાળકો સાથે હોવાથી દારૂ બહુ ન પીવા કહેતાં બંને વચ્ચે ઝઘડો અને બાદમાં લાફાલાફી થઇ હતી. અને ત્યાંથી તેઓ ઊના આવતા હતા ત્યારે રસ્તામાં પણ બંને ઝઘડતા હતા.
ઊનાના દેલવાડા રોડ પર શાહ એચ. ડી. હાઇસ્કુલ પાસે પુલકિતે રોંગ સાઇડમાં પુલકિતે 2 બાઇકને ઠોકર મારી હતી. અને ત્યાં કડિયા કામ કરતા 3 મજૂરોને હડફેટે લીધા હતા. જેમાં ત્રણેયને ઇજા પહોંચી હતી. જોકે, સાથે પત્ની અને નાના બાળકો હોઇ પુલકિત એકઠી થયેલી ભીડની ધોલધપાટથી બચી ગયો હતો.
લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..
તમે અમને Twitter અને Telegram પર લાઇક અને ફોલો કરી શકો છો.
If you like our post than don’t forget to share with your friends..