અમદાવાદમાં શાકભાજી ખરીદી કરતી મહિલા સાથે જીમ ટ્રેનરે કર્યાં અડપલાં, યુવકની કરતૂતોથી કંટાળી આખરે મહિલાએ આવી રીતે ભણાવ્યો પાઠ

અમદાવાદ શહેરના ચાંદખેડા વિસ્તારમાં (chandkheda) જિમ ટ્રેનરને શાકભાજી ખરીદતી મહિલાની છેડતી કરવી ભારે પાડી છે. શાકભાજી ખરીદવાના બહાને મહિલાને વારંવાર અડપલા કરતા યુવકની કરતૂતોથી કંટાળી આખરે મહિલાએ પોલીસનો (woman police) સહારો લેતા પોલીસ એ આરોપી સામે ફરિયાદ નોંધીને તેને ઝડપી લીધો છે.

ચાંદખેડા વિસ્તાર માં રહેતી એક મહિલા એ ચાંદખેડા પોલીસ સ્ટેશનમાં ફરિયાદ નોંધાવી છે કે જાન્યુઆરી મહિનામાં તે ગોદરેજ ગાર્ડન સિટી ખાતે ઊભી રહેલ શાકભાજીની લારીઓ પર શાકભાજી ખરીદવા માટે ગઈ હતી તે દરમિયાન i10 કાર લઈને એક અજાણ્યો ઈસમ આવ્યો હતો. અને તેની સામે જોઈ ને તેના શરીર પર હાથ અડવતો હતો.

જો કે ભૂલ થી હાથ અડી ગયો હોવાનું માનીને મહિલા શાકભાજીની ખરીદી કરી ઘરે પરત જતી રહી હતી. જોકે બાદમાં અવારનવાર જ્યારે પણ મહિલા શાકભાજી ખરીદવા જાય ત્યારે આ યુવક ત્યાં આવી જતો અને મહિલાને ઇશારા કરીને તેની સાથે અડપલા કરતો હતો. પરંતુ મહિલા આ બધું જતું કરતી હતી.

૮મી માર્ચે જ્યારે મહિલા શાકભાજી ખરીદવા માટે ગઈ ત્યારે આ યુવક ગાડી લઇને ત્યાં આવ્યો હતો અને શાકભાજી ખરીદવાના બહાને મહિલા સાથે અડપલા કર્યા હતા. જોકે મહિલા ત્યાંથી દૂર ખસી જતા તેને ધમકી આપી હતી કે તરફ ફ્લેટ પર આવીને તારું મર્ડર કરી નાખીશ. જેથી મહિલા ગભરાયને તેના ઘરે જતી રહી હતી.

જોકે 9મી માર્ચે ફરિયાદી મહિલા તેના પતિ સાથે શાકભાજી ખરીદવા ગઈ હતી ત્યારે આ યુવક ફરી ત્યાં આવ્યો હતો અને ગાડીમાંથી લોખંડ ની પાઇપ લઈને નીચે ઊતર્યો હતો. અને મહિલા જે લારી પર શાકભાજી ખરીદી હતી ત્યાં આવ્યો હતો. જો કે મહિલાના પતિ જોઈ જતા તેઓએ પોલીસને જાણ કરતાં જ આ યુવક તેની ગાડી લઈને ત્યાંથી નીકળી ગયો હતો.

જોકે બાદમાં થોડીવાર રહીને ત્યાં ગાડી ના ચક્કર લગાવતો હતો. પરંતુ પોલીસ આવી જતા પોલીસ એ આ યુવક ને ઝડપી લીધો હતો. જેની પૂછપરછ કરતા જાણવા મળ્યું હતું કે તેનું નામ સત્યેન્દ્ર સિંગ રાજપૂત છે અને તે જિમ ટ્રેનર છે. જ્યારે આ સમગ્ર મામલે મહિલાએ ચાંદખેડા પોલીસ સ્ટેશનમાં પોલીસ ફરિયાદ નોંધાવતા પોલીસે આરોપીને ઝડપી અને વધુ કાર્યવાહી શરૂ કરી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..