અમદાવાદના ઘાટલોડિયામાં શિક્ષિકાનું એક તરફી પ્રેમમાં પાગલ પ્રેમીએ અપહરણ કર્યું અને ઓફિસમાં લઈ જઈ દુષ્કર્મ ગુજાર્યું

અમદાવાદ શહેરના ઘાટલોડિયા વિસ્તારમાં 40 વર્ષીય પરણિતાને ઘર પાસેથી અપહરણ કરી એકતરફી પ્રેમમાં પાગલ પ્રેમીએ બળાત્કાર ગુજાર્યો હોવાની ફરિયાદ પોલીસ ચોપડે નોંધાય છે. આ બનાવમાં પોલીસે આરોપીની ધરપકડ કરી કાયદેસરની કાર્યવાહી હાથ ધરી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

ફેસબૂકથી બંને મિત્રો બન્યા હતા
શહેરના ઘાટલોડીયા વિસ્તારમાં 40 વર્ષીય મહિલા પરિવાર સાથે રહે છે. પરિણીતા ટીચર તરીકે નોકરી કરી પરિવારનું ગુજરાન ચલાવે છે અને ફ્રી સમયમાં સોશિયલ મીડિયા પર સક્રિય રહેતા હતા. દરમિયાનમાં વસ્ત્રાલની ત્રિદેવ સોસાયટીમાં રહેતા 33 વર્ષીય રૂપેશ ચંદુભાઈ પટેલ સાથે ફેસબૂક પર પરિચય થયો હતો. લાંબા સમયથી પરિણીતા તેના પરિચયમાં હતી. આ દરમિયાન શનિવારે પરિણીતાને બ્લેકમેલ કરી રૂપેશ તેના ઘાટલોડિયાના મકાન ઉપર પહોંચી મારમારી કરી લઈ ગયો હતો.

શિક્ષિકાએ અપહરણ અને દુષ્કર્મની ફરિયાદ નોંધાવી
પરિણીતાના પતિ અને પરિવારને જાણ કરીશ તેમ કહી પરિણીતાને કારમાં બેસાડી લઈ ગયો હતો. પરિણીતાને વસ્ત્રાલ વિસ્તારમાં આવેલી કોઈ ઓફીસ જેવી જગ્યાએ લઈ જઈ દુષ્કર્મ આચર્યું હતું અને બાદમાં પરિણીતાને છોડી મૂકી હતી. આ અંગે પરિણીતાએ ઘાટલોડિયા પોલીસ સ્ટેશનમાં આરોપી સામે અપહરણ અને દુષ્કર્મની ફરિયાદ નોંધાવી હતી. ઘાટલોડિયા પોલીસે આરોપીની ધરપકડ કરી કોર્ટમાં રજૂ કરી વધુ તપાસ હાથ ધરી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..