સુરતમાં સિટી બસે કાકી ભત્રીજીને અડફેટે લેતા ધોરણ 9ની વિદ્યાર્થિનીને ગંભીર ઇજાઓ થતાં ઘટના સ્થળે જ મોત

રાજ્યમાં બસ અકસ્માતની ઘટનાઓ અવાર નવાર સામે આવે છે. રાજ્યના અલગ-અલગ શહેરમાં ક્યારેક સીટી બસ તો ક્યારેક એસ.ટી. બસ અકસ્માતની ઘટનામાં કોઈ વ્યક્તિનું મોત થયું હોવાનું પણ સામે આવે છે. ત્યારે આવી જ એક ઘટના સુરતમાં સામે આવી છે. સુરતમાં જાણે સિટી બસ બેફામ બની હોય તેવું લાગે છે. કારણ કે સુરતમાં વધુ એક સિટી બસના કારણે અકસ્માતની ઘટના સામે આવી છે. આ ઘટનામાં બસની અડફેટે કાકી-ભત્રીજી આવી ગયા હતા અને આ ઘટનામાં ભત્રીજીને ગંભીર ઇજાઓ થતાં તેનું ઘટના સ્થળ પર જ મોત થયું હતું. તો બીજી તરફ અકસ્માતની ઘટનાને પગલે સ્થાનિક લોકો એકઠા થઇ ગયા હતા. ઘટનાની જાણ પોલીસને થતા પોલીસ કાફલો ઘટના સ્થળ પર પહોંચ્યો હતો અને પોલીસે સમગ્ર મામલે ગુનો નોંધી તપાસ શરૂ કરી છે.

રિપોર્ટ અનુસાર સુરતના અમરોલી વિસ્તારમાં ભૂમિ લીંબાચિયા તેના પરિવારની સાથે રહે છે અને ભૂમિના પિતા પરેશ લીંબાચિયા હેર કટીંગનું સલૂન ચલાવી પરિવારનું ગુજરાન ચલાવે છે. ભૂમિ શાળાએ ગઈ હોવાના કારણે તેના કાકી તેને લેવા માટે ગયા હતા અને જ્યારે કાકી ભૂમિને લઈને પરત ફરી રહ્યા હતા ત્યારે સિટી બસે કાકી અને ભૂમિને અડફેટે લીધા હતા. આ ઘટનામાં ભૂમિને ગંભીર ઇજા થઇ હોવાના કારણે તેનું ઘટના સ્થળ પર જ મોત નિપજયુ હતું. અકસ્માતની ઘટનાને પગલે રાહદારીઓ ઘટના સ્થળ પર એકઠા થઇ ગયા હતા અને તેમને રોષે ભરાઈને બસના કાચ પણ તોડી નાખ્યા હતા. તો બીજી તરફ લોકોએ બસના ચાલકને પણ તાત્કાલિક પકડી લીધો હતો અને પોલીસને ઘટનાની માહિતી આપી હતી.

ઘટનાની જાણ થતાં પોલીસ કાફલો ઘટના સ્થળ પર દોડી આવ્યો હતો અને પોલીસે સમગ્ર મામલે તપાસ કરીને ભૂમિના મૃતદેહને પોસ્ટમોર્ટમ અર્થે ખસેડયો હતો. ભૂમિ ધોરણ 9માં અભ્યાસ કરી રહી હતી. દીકરીના મોતને લઇને પરિવારના સભ્યો શોકમાં ગરકાવ થઇ ગયા હતા.

આ ઘટનાને લઇ ભૂમિના દાદા બાબુ લીંબાચિયા જણાવ્યું હતું કે, ભૂમિ ત્રણ સંતાનો માટે સૌથી મોટી દીકરી હતી. ભૂમિના પિતા હેર સલૂનની દુકાન ચલાવે છે. ભૂમિ શાળાએથી આવતી હતી ત્યારે અકસ્માત થયો હતો અને આ ઘટનામાં અમે પૌત્રી ગુમાવી છે. જો કે થોડા દિવસ પહેલા જ હું મારા ગામડે પાટણ સાળાના દુઃખદ નિધન પરથી આવ્યો હતો અને ત્યારબાદ હવે પૌત્રીના મોતના કારણે અમારો પરિવાર આઘાતમાં ચાલ્યો ગયો છે. અમે વર્ષ 2001થી સુરતના અમરોલી વિસ્તારમાં આવેલ છાપરાભાઠાના સ્ટાર ગેલેક્સીમાં રહીએ છીએ.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..