વિદ્યાનગરને લાંછન લગાડતી ઘટના: 62 વર્ષના વૃદ્ધ શિક્ષકે એક્સ્ટ્રા ક્લાસના બહાને વિદ્યાર્થિનીને બોલાવી ગાલે બચકાં ભર્યા

રાજ્યમાં મહિલાઓ વિરુદ્ધના ગુનાઓમાં સતત વધારો થઈ રહ્યો છે. આવા ગુના આચરતા ઘણા લોકો જેતે મહિલા અથવા છોકરીના ઓળખીતા હોય તેવું પણ મોટાભાગના કિસ્સામાં સામે આવે છે. ત્યારે શિક્ષણનગરી એવા વલ્લભ વિદ્યાનગર ( Vallabh Vidyanagar) અને શિક્ષણ જગતને લાંછન લગાડતી એક ઘટના સામે આવી છે. જેમાં 62 વર્ષીય ટ્યુશન ક્લાસ ચલાવતાં વૃદ્ધે પોતાની પૌત્રીની ઉંમરની વિદ્યાર્થિનીને એકસ્ટ્રા ક્લાસના બહાને ટ્યુશન ક્લાસીસમાં બોલાવી તેની સાથે શારીરિક અડપલાં કરી ગાલ પર બચકાં ભરી લીધા હતા. જોકે આ સમગ્ર ઘટાની જાણ સગીર વિદ્યાર્થિનીએ પોતાની પિતરાઈ બહેનને કરતાં અને તેના દ્વારા સગીરાના ભાઈ તેમજ પિતાને આ બાબતે જાણ થતા પિતાએ આ અંગે પોલિસ ફરિયાદ નોંધાવી હતી.

નફ્ફટે બદઈરાદે રવિવારના દિવસે એકસ્ટ્રા ક્લાસનું કહી બોલાવી હતી
મૂળ અમદાવાદના અને હાલમાં આણંદની એક કોલેજના ક્વાર્ટસમાં રહેતા અધ્યાપકની 15 વર્ષીય પુત્રી કર્તવી (નામ બદલ્યું છે) ધોરણ 11 સાયન્સમાં અભ્યાસ કરે છે. તેણી વિદ્યાનગર નાના બજાર ખાતે આવેલા વ્રજ બંગલો સામેના પ્રભુકાન્ત બંગલોઝ ખાતે રહેતા કાન્તી એસ. પટેલ ઉર્ફે કે. એસ. પટેલના ઘરે બાયોલોજીના ટયૂશન માટે જાય છે. સામાન્ય રીતે તેના ટ્યૂશનનો સમય બપોરના ત્રણથી સાડા ચાર વાગ્યા સુધીનો હોય છે. અને રવિવાર સહિત અન્ય રજાના દિવસે સવારે 10 વાગ્યાથી 12 વાગ્યા સુધીનો સમય હોય છે.

ગળા અને ગાલના ભાગે બચકાંનાં નિશાન હતાં
ગત રવિવારે સવારે પોણાઆઠ વાગ્યે કર્તવી ઘરેથી ટ્યૂશનમાં જવાનું કહીને નીકળ્યા બાદ બપોરે બાર વાગ્યે પરત આવી હતી. દરમિયાન તેના ગળાના ભાગે અને બોચીના ભાગે ચાંઠાનાં નિશાન મળી આવ્યાં હતાં, જેને પગલે તેના પિતાએ આ બાબતે પૂછપરછ કરતાં તેણે ટ્યૂશનના શિક્ષક કાન્તિ પટેલે તેને બચકું ભર્યું હોવાનું જણાવ્યું હતું. આ મામલે પિતાએ વિદ્યાનગર પોલીસ સ્ટેશનમાં શિક્ષક કાન્તિ પટેલ વિરુદ્ધ ફરિયાદ નોંધાવતાં પોલીસે છેડતીની કલમ હેઠળ ગુનો નોંધી તેને ઝડપી પાડવાની કાર્યવાહી હાથ ધરી છે.

સગીરાએ અગાઉ ગાલ પરના બચકાં છુપાવવા ઓઢણીનો સહારો લીધો હતો. જોકે આમ છતાં તેના ગાલ પર બચકાં ભરેલાં હોવાનું જોતાં જ પિતાએ આ બાબતે પૂછપરછ કરી હતી, જેને પગલે તેણે બહેનપણીએ મસ્તી કરતાં ગાલ ખેંચ્યા હોવાનું કહ્યું હતું. જોકે બાદમાં કર્તવીએ તેના કાકાની દીકરીને સમગ્ર હકીકત જણાવી હતી. એ પછી તેની પિતરાઈ બહેને કર્તવીના ભાઈને સમગ્ર હકીકત જણાવતાં જ કર્તવીના ભાઈએ પિતાને સમગ્ર ઘટનાથી વાકેફ કરતાં ભાંડો ફૂટ્યો હતો. પુત્રીએ પિતા સમક્ષ કબૂલાત કરતાં જણાવ્યું હતું કે તેને મકાનના ઉપરના માળે એકલી બેસાડી હતી. જ્યાં તેણે તેની સાથે જાતીય વાતો કરી હતી અને પછી અડપલાં કર્યા હતા.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..