50 હજારના પગારની નોકરી કરતા ઓફિસર પાસે છે 15 કરોડથી વધુની સંપત્તિ, 3 કરોડના બંગલામાં છોડ પણ 25 હજાર રૂપિયાનો છે

બંગલો, ફાર્મ હાઉસ, મલ્ટિમાં ફ્લેટ અને મૉલમાં દુકાનો એમ આ બધું મધ્યપ્રદેશમાં રૂપિયા 50 હજારની નોકરી કરતા ટીએન્ડસીપી ઓફિસર પાસે છે. આ તો માત્ર દેખીતી સંપત્તિ છે. ઈઓડબ્લ્યુની રેડ દરમિયાન ઈન્દોરમાં ટીએન્ડસીપી ઓફિસર વિજય દરયાનીના ઘરમાંથી રૂપિયા 19 લાખ રોકડા મળી આવ્યા છે. આ જોતાં જ રેડ કરવા માટે આવેલા અધિકારીઓ ચોંકી ઉઠ્યા હતા.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

કરોડોના મકાન
મધ્યપ્રદેશના ટીએન્ડસીપી ઓફિસર વિજય દરયાની પાસે ખૂબ જ સંપત્તિ છે. તેઓ પાસે રૂપિયા 3 કરોડની કિંમતનું લગ્ઝરી ફાર્મ હાઉસ છે. આ સિવાય 3 કરોડનો એક બંગલો અને એક એપાર્ટમેન્ટમાં 2 ફ્લેટ છે. જેની કિંમત 1 કરોડ રૂપિયા છે. અધિકારીએ કેટલીક સંપત્તિ પોતાની માતાના નામ પર ખરીદી છે. આ સિવાય તેઓ પાસે રૂપિયા 4 કરોડની જમીન પણ છે.

1 કરોડની કિંમતની 3 લગ્ઝરી ગાડીઓ
આજની તારીખમાં ટીએન્ડસીપી ઓફિસર વિજય દરયાનીનો પગાર 50 હજાર રૂપિયા છે. તેમ છતાં તેઓ પાસે 1 કરોડ રૂપિયાની 3 મોંઘીદાટ ગાડીઓ છે. તેવામાં એ વાતનો અંદાજો લગાવી શકાય છે કે આટલા વધારે રૂપિયા ક્યાંથી આવ્યા હશે?

ગાર્ડનમાં 25 હજાર રૂપિયાનો એક છોડ
ભ્રષ્ટાચારના રૂપિયાથી વિજય દરયાની ખૂબ જલસા કરતા હતા. તેમના બંગલામાં એક રુફ ટૉપ ગાર્ડન છે. જેમાં એક છોડ 25 હજાર રૂપિયાનો છે. આ સિવાય વિજય દરયાનીના ઘરમાંથી ઈઓડબ્લ્યુ ટીમને 19 લાખ રૂપિયા રોકડા મળી આવ્યા છે. કેટલીક સંપત્તિ તેમના ભાઈના નામ પર પણ છે. ઈન્દોર સહિત તેઓની 5 જગ્યાએ રેડ ચાલુ છે.

વિજય દરયાની પોતાના ઘરમાંથી જ ઓફિસ ચલાવી રહ્યો હતો. રેડ દરમિયાન ઘરમાંથી કેટલીક મોંઘી ચીજવસ્તુઓ પણ મળી આવી છે. અત્યાર સુધીમાં કુલ 15 કરોડ રૂપિયાની સંપત્તિનો ખુલાસો થયો છે. ઘરમાંથી મળેલી જ્વેલરીની હજુ તપાસ ચાલી રહી છે.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..