સુરેન્દ્રનગરના માલવણ નજીક પોલીસ એન્કાઉન્ટર, કુખ્યાત ગેડિયા ગેંગના મોસ્ટ વોન્ટેડ આરોપી મુન્નો અને તેનો પુત્ર ઠાર મરાયા

સુરેન્દ્રનગર જિલ્લાના પાટલી તાલુકાના માલવણ નજીક ગેડીયા ગામે પોલીસ એન્કાઉન્ટરના સમાચાર સામે આવ્યા છે. જેમાં ગુજસીટોકના આરોપી વોન્ટેડ મુન્નો અને તેનો પુત્ર મદીન ઠાર મરાયા હોવાનું જાણવા મળ્યું છે. મળતી માહિતી મુજબ આ બંને મૃતક ગુજસીટોકના આરોપી હતા. જેથી બંને આરોપીઓને પકડવા જતી પોલીસ પર તીક્ષ્ણ હથિયાર વડે હુમલો કરી બાપ-દીકરાએ ભાગવાનો પ્રયાસ કર્યો હતો. જેમાં પોલીસ દ્વારા બંનેને ઠાર મરાયા હતા.

પોલીસ પર હુમલો કરીને ફરાર થતા આરોપીઓનું એન્કાઉન્ટર
પ્રાપ્ત માહિતી અનુસાર માલવણ નજીક ગેડિયા ગામે પોલીસે પકડવા જતાં બંને આરોપીઓએ તેમના રર હુમલો કરીને ભાગી રહ્યા હતા. જેના કારણે પોલીસે સ્વબચાવમાં ફાયરિંગ કરવાની ફરજ પડી હતી. જેમાં વોન્ટેડ મુન્નો અને તેનો પુત્ર મદીનનું મોત થયું છે. બનાવને પગલે LCB અને સ્થાનિક પોલીસનો કાફલો ઘટનાસ્થળે પહોંચ્યો હતો. આ અથડામણમાં બે લોકોને ઈજાઓ થતાં સારવાર માટે હોસ્પિટલ ખસેડાયા હોવાનું જાણવા મળ્યું છે.

એન્કાઉન્ટરમાં એક પોલીસ કર્મચારીને પણ ઈજા!
પોલીસ એન્કાઉન્ટરમાં ઠાર મરાયેલા બંને આરોપી પિતા-પુત્ર હોવાનું સામે આવ્યું છે. જેમી ઓળખ વોન્ટેડ મુન્નો ઉર્ફે હનિફખાન અને તેના પુત્ર મદીન તરીકે થઈ છે. મીડિયા રિપોર્ટ મુજબ બંને આરોપીઓ સામે અલગ-અલગ પ્રકારના 72 જેટલા ગંભીર ગુના નોંધાયા છે. અહેવાલો અનુસાર આ એન્કાઉન્ટરમાં એક પોલીસ કર્મચારી પણ ઘાયલ થયા હોવાનું જાણવા મળ્યું છે. હાલ સમગ્ર મામલે વધુ વિગતોની રાહ જોવાઈ રહી છે.

લેટેસ્ટ ન્યૂઝ તમારા ફોન પર સૌથી પહેલા મેળવવા માટે અમારા ફેસબુક પેજને લાઈક કરો

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ PNN- News Network ની એપ્લિકેશન ડાઉનલોડ કરો. જય હિન્દ.. જય ભારત..

તમે અમને Twitter અને Telegram પર લાઇક અને ફોલો કરી શકો છો.

If you like our post than don’t forget to share with your friends..